Hvað er innifalið í næstu sendingu?
Chirimoya
Mango Osteen
Plóma
Granatepli
Mandarína
Avókado
Kaki
Epli
Hvernig virkar Fincafresh?
Við sendum ferska ávexti frá Spáni
Markmiðið okkar er að veita aðgang að árstíðabundnum og lífrænum ávöxtum allt árið um kring. Við leggjum áherslu á beinar viðskiptaleiðir, þar sem við kaupum beint frá bændum sem rækta ávexti í takt við náttúruna, án milligöngu heildsala.
Gæða árstíðarbundnir ávextir
Þú getur skráð þig í áskrift og fengið sendingu 1, 2 eða 4 sinnum í mánuði. Einnig er hægt að panta stakan kassa. Sendum á flestar Samskipstöðvar á landinu. Á Höfuðborgarsvæðinu er sótt í sjálfsafgreiðslustöðvar Pikkoló. Á Akureyri er sótt í vöruhúsið okkar.
Engin sendingarkostnaður!
Verkefnið Fincafresh
Við, Bessi Ragúels Víðisson og Borja López Laguna, urðum vinir árið 2019 þegar Borja flutti frá Madríd til Íslands til að spila fótbolta með Dalvík/Reyni. Við vildum ólmir læra móðurmál hvor annars og fórum við í heita pottinn í sundlaug Dalvíkur og töluðum ensku, íslensku og spænsku í 20 mínútur hvert tungumál og urðum við fljótt miklir vinir.
Fincafresh byrjaði þegar við vorum heima hjá Bessa. Bessi var að skera appelsínur í tvent og voru þær allar þurrar og skemmdar að innan. Borja fannst þetta stór undarlegt því að appelsínur voru ekki í árstíð á þessum tíma í Evrópu. Það rann upp fyrir okkur að neysluvenjur Íslendinga eru stór furðulegar þegar kemur að ferskum ávöxtum og grænmeti. Í staðin fyrir að borða það sem er í árstíð nálægt okkur flytja stórverlanir inn ferskvöru að miklu leyti inn frá Suður-Ameríku. Það er gert vegna þess að það er mun ódýrara í innkaupum.
Okkar vörur eru sirka 10 daga gamlar þegar þær koma til viðskiptavina okkar. Þetta getum við gert því við erum að versla beint frá bóndanum og ef ákveðnar vörur eru ekki í árstíð þá einfaldlega bjóðum við ekki upp á þær eins og tíðkast annars staðar í Evrópu. Til samanburðar eru ferskvörur stundum tveggja mánaða gamlar í lágvöruverslunum.
Markmið okkar er að bjóða fólki hágæða, árstíðabundna og lífræna ávexti allan ársins hring. Ávextirnir okkar koma beint frá völdum bændum á Spáni, sem leggja áherslu á lífræna og sjálfbæra framleiðslu, sem tryggir að viðskiptavinir okkar njóti einungis þess besta og ferskasta sem völ er á hverju sinni.
Safaríkt bragð í hverjum kassa
Við sendum einnig til fyrirtækja
Við bjóðum fyrirtækjum stórum sem smáum að kaupa staka ávaxtakörfu eða koma í áskrift hjá okkur.
Brakandi fersk ávaxtarkarfa stútfull af lífrænum og árstíðabundnum ávöxtum.
Við sendum til fyrirtækja aðra hverja viku, þriðjudaga til fimmtudaga.
