Um okkur
Við heitum Bessi Ragúels Víðisson og Borja López Laguna.
Okkar vinátta hófst árið 2019, þegar Borja flutti frá Madríd, Spáni, til að spila fótbolta með Dalvík/Reyni hér á Íslandi. Við tengdum strax og byrjuðum að kenna hvor öðrum móðurmálin okkar, sem styrkti vináttu okkar enn frekar.
Markmiðið okkar er að veita aðgang að árstíðabundnum, lífrænum ávöxtum allt árið um kring. Við leggjum áherslu á beinar viðskiptaleiðir, þar sem við kaupum beint frá bændum, sem rækta ávexti í takt við náttúruna, án milligöngu heildsala.
Fincafresh er í samstarfi við lífræna smábændur á Spáni sem við þekkjum persónulega. Áður að við stofnuðum Fincafresh, fórum við í margar ferðir til Andalúsíu og þræddum sveitirnar til að finna hin fullkomna birgja.
Fincafresh byrjaði árið 2022, sem samfélagsverkefni á Dalvík. Við vildum bjóða dalvíkingum upp á hágæða lífræna vöru á góðu verði. Planið var að flytja inn bretti af ferskvöru á tveggja vikna fresti. Þeir sem vildu taka þátt myndu svo deila kostnaðinum jafnt á milli sín. Það kom fljót í ljós að þetta myndi vera of kostnaðarsamt. Við fengum mikið af fyrirspurnum frá öðrum bæjarfélögum til að taka þátt. Nokkrum árum seinna, erum við að bjóða fólki út um allt land (nema á vestfjörðum) upp á hágæða lífræna vöru.
Starfsmenn
Bessi Ragúels Víðisson
FRAMKVÆMDARSTÓRI
Borja López
REKSTRARSTJÓRI
Alberto Aragoneses
HÖNNUNAR OG RÁÐGJAFI
Kári Ragúels Víðisson
SÖLU - OG MARKAÐSTJÓRI
Fermín López
INNKAUPASTJÓRI
Þóra Gunnsteindóttir
GÆÐASTJÓRI
Þetta skiptir okkur mestu máli
Sjálfbærni
Baráttan gegn loftslagsbreytingum er okkur mjög hugleikin. Við leggjum mikla áherslu á að endurbæta viðskiptamódel okkar til að tryggja að það sé eins umhverfisvænt og mögulegt er.
Umhverfið
Fincafresh var stofnað með það að markmiði að veita neytendum aðgang að árstíðabundnum, lífrænum ávöxtum árið um kring. Það sem gerir okkur einstaka er að við verslum allt beint af bændum.
Heilsa
Ávextir eru mikilvæg og náttúruleg uppspretta næringarefna, sem eru nauðsynleg fyrir líkamann til að viðhalda og efla heilbrigða starfsemi.
Móttaka á pöntun þinni
Þú getur sótt pöntunina þína á eftirfarandi stöðum sem sýndir eru á kortinu.
Einnig er hægt að sækja hann á vöruhúsið okkar á Akureyri.
